0
0
మెగా ఫ్యామిలీలో దాదాపు 10 మందికి పైగానే హీరోలు ఉన్నారు. చిరంజీవి, పవన్ కళ్యాణ్, రామ్ చరణ్, అల్లు అర్జున్, సాయి తేజ్, వరుణ్ తేజ్, వైష్ణవ్ తేజ్, అల్లు శిరీష్, కళ్యాణ్ దేవ్.. ఇలా చాలా మంది తమ సినిమాలతో అభిమానులను అలరిస్తున్నారు. అయితే ఈ ఏడాది మెగా ఫ్యామిలీలో ప్రతి హీరో నుంచి మినిమం ఒక్క సినిమా అయినా విడుదలయ్యే అవకాశాలున్నాయి. వీటిలో చిరంజీవి ‘ఆచార్య’ రిలీజ్ డేట్ త్వరలో రానుండగా.. పవన్ ‘వకీల్ సాబ్’ ఏప్రిల్‌లో విడుదల కానుంది. రామ్‌చరణ్ నటించిన ‘RRR’ దసరా కానుకగా అక్టోబర్ 13న విడుదల కానుండగా… అల్లు అర్జున్ నటించిన ‘పుష్ప’ సినిమా ఆగస్టు 13న విడుదలవుతుందని గురువారమే మూవీ యూనిట్ ప్రకటించింది. అటు వరుణ్ తేజ్ ‘గని’ జూలై 30న విడుదలవుతుందని ఈరోజే ప్రకటన వచ్చింది. వైష్ణవ్ తేజ్ ‘ఉప్పెన’ ఫిబ్రవరి 12న విడుదల కానున్న సంగతి తెలిసిందే. సాయితేజ్ ‘రిపబ్లిక్’, కళ్యాణ్ దేవ్ ‘సూపర్ మచ్చి’ కూడా వేసవిలోనే విడుదల కానున్నాయి. దీంతో 2021 ఏడాదిని ‘మెగా’ ఏడాదిగా పిలిచినా ఆశ్చర్యపోవాల్సిన అవసరం లేదు. మెగా అభిమానులకు ఈ ఏడాది పండగే పండగ.
