0
0
ప్రతి పండగకు ఈటీవీలో ఓ ప్రత్యేకమైన షో ఉంటుంది. అలాగే ఈ దసరా పండగకు కూడా ఓ బ్లాస్టింగ్ షోను ఈటీవీ టెలీకాస్ట్ చేయనుంది. దీంతో దసరా సంబరాలు ప్రేక్షకులకు మరింత కనువిందుగా మారనున్నాయి. స్టార్ క‌మెడియ‌న్ అలీ, బ్ర‌హ్మాజీ, సంగీత, ఆది, తాగుబోతు ర‌మేష్‌, శ్రీప్రియ, మ‌హేశ్వ‌రి, జ్యోతి, శుభ‌శ్రీ, రూప, భూమిక, రామ్ ప్ర‌సాద్‌, రియాజ్‌, న‌రేష్ పండు, నందు ఈటీవీ దసరా సంబ‌రాల్లో భాగం అవుతున్నారు. ఒక గ్రామంలో దసరా పండుగ‌ను స‌ర‌దాగా ఎలా జ‌రుపుకుంటార‌నే విష‌యాన్ని తెలుసుకోవాలంటే ఈటీవీలో చూడాల్సిందే. యాంక‌ర్ నందు త‌న‌దైన శైలిలో దసరా వేడుక‌ను మరింత ప్ర‌త్యేకంగా మార్చుతున్నాడు. వేదిక‌పై సంప్రదాయ నృత్యాలు, పాట‌ల‌తో ఈవెంట్ క‌ల‌ర్‌ఫుల్‌గా మెప్పించ‌నుంది. ఎన్నో ఆట పాట‌ల‌తో సర‌దా సంభాష‌ణ‌ల‌తో సాగే ఈ కార్య‌క్ర‌మం అంద‌రినీ మెప్పించ‌నుంది.
