ఒకే రోజు ఒకే ఓటీటీలోకి రెండు సినిమాలు

0 0

చాలా మంది థియేటర్లలో సినిమాలు చూసేందుకు ఇష్టపడటం లేదు. దీనికి బోలెడు కారణాలు ఉన్నాయి. టిక్కెట్ రేట్లను ఇష్టం వచ్చినట్లు పెంచడం కూడా కారణం అని చెప్పవచ్చు. అందుకే సినీ ప్రేక్షకులు ఓటీటీ వైపు మొగ్గు చూపుతున్నారు. ఈ క్రమంలో ప్రతివారం ఓటీటీలు కూడా కొత్త సినిమాలను స్ట్రీమింగ్ చేస్తున్నాయి. ప్రముఖ ఓటీటీ ఈటీవీ విన్ ఈ వారం ఏకంగా రెండు సినిమాలను అందుబాటులోకి తీసుకొచ్చింది. గురువారం నుంచే ఈ సినిమాలు సదరు ఓటీటీలో స్ట్రీమింగ్ అవుతున్నాయి. ఈ ఏడాది రిలీజైన తెలుగు సినిమాలు లైఫ్ స్టోరీస్, తెలిసినవాళ్లు ఈ జాబితాలో ఉన్నాయి. ఇందులో లైఫ్ స్టోరీస్ మూవీ సెప్టెంబర్ 15న థియేటర్లలో విడుదల కాగా.. తెలిసినవాళ్లు మూవీ రెండేళ్ల తర్వాత ఓటీటీలోకి వచ్చింది. నిజానికి ఈ మూవీ ఆహాలో కూడా స్ట్రీమింగ్ అవుతోంది. ది గ్రేట్ ఇండియన్ సూసైడ్ పేరుతో ఈ మూవీ ఆహాలో అందుబాటులో ఉంది. రామ్ కార్తీక్, హెబ్బా పటేల్ ప్రముఖ పాత్రలు పోషించారు.