2
0
యంగ్ టైగర్ ఎన్టీఆర్ నటించిన దేవర మూవీ ఎట్టకేలకు విడుదలైంది. దాదాపు ఆరేళ్ల తర్వాత తారక్ నుంచి వచ్చిన సోలో సినిమా కావడంతో నందమూరి అభిమానులు ఈ సినిమాను చూసేందుకు పోటెత్తారు. పాన్ ఇండియా స్థాయిలో విడుదలైన దేవర మూవీ తొలిరోజు బాక్సాఫీస్‌ను షేక్ చేసింది. ముఖ్యంగా నైజాం ఏరియాలో జూనియర్ ఎన్టీఆర్ సినిమాకు అనుకున్న దానికంటే ఎక్కువగా రెస్పాన్స్ లభించింది. హైదరాబాద్‌లోని ప్రసాద్స్ మల్టీప్లెక్స్ దేవర సినిమాకు సంబంధించి ఒక్కరోజులో 42 షోలను ప్రదర్శించింది. అర్థరాత్రి ఒంటి గంట నుంచే దేవర షోలను ప్రారంభించింది. ఇప్పటివరకు ప్రసాద్ మల్టీప్లెక్స్‌లో ఒక్కరోజులో అత్యధిక షోలను స్క్రీనింగ్ చేసిన సినిమాగా గుంటూరు కారం పేరు మీద రికార్డు ఉండేది. కానీ ఆ రికార్డు ఇప్పుడు దేవర సొంతం చేసుకుంది. గతంలో ప్రసాద్స్ మల్టీప్లెక్స్ మహేష్ బాబు హీరోగా నటించిన గుంటూరు కారం మూవీని విడుదల రోజు 41 షోలను స్క్రీనింగ్ చేసింది. కానీ దేవర మూవీకి 42 షోలు స్క్రీనింగ్ చేయడంతో మహేష్ రికార్డు వాష్ అవుట్ అయిపోయింది.
