ఐదు వారాలు.. మూడు మెగా సినిమాలు

3 0

టాలీవుడ్‌లో మెగా ఫ్యామిలీ గురించి ప్ర‌త్యేకంగా చెప్పాల్సిన అవ‌స‌రం లేదు. మెగా ఫ్యామిలీలో సుమారు అర‌డ‌జ‌ను మందికి పైగా క్రేజ్ ఉన్న‌ హీరోలు ఉన్నారు. వారిలో మెగాస్టార్, ప‌వ‌ర్ స్టార్, మెగా ప‌వ‌ర్ స్టార్, స్టైలిష్ స్టార్‌తో పాటు సాయిధ‌ర‌మ్ తేజ్, వ‌రుణ్ తేజ్ ఉంటారు. వీరిలో న‌లుగురు హీరోలు ఐదు వారాల గ్యాప్‌లో మెగా అభిమానుల‌ను ప‌ల‌క‌రించ‌బోతున్నారు. దీంతో టాలీవుడ్‌లో మెగా జోష్ నెల‌కొంది.

ముందుగా ప‌వ‌ర్ స్టార్ ప‌వ‌న్ క‌ళ్యాణ్ త‌న మేన‌ల్లుడు సాయిధ‌ర‌మ్ తేజ్‌తో క‌లిసి న‌టిస్తున్న ‘బ్రో’ సినిమా జూలై 28న గ్రాండ్‌గా విడుద‌ల కానుంది. రెండు వారాల గ్యాప్ త‌ర్వాత మెగాస్టార్ స్వ‌యంగా బ‌రిలోకి దిగ‌నున్నాడు. ఆయ‌న న‌టిస్తున్న ‘భోళాశంక‌ర్’ మూవీ ఆగ‌స్టు 11న విడుద‌ల‌కు సిద్ధ‌మ‌వుతోంది. ఈ సినిమా విడుద‌లైన రెండు వారాల అనంత‌రం ప్రిన్స్ వ‌రుణ్ తేజ్ ఫ్యాన్స్‌కు ట్రీట్ ఇవ్వ‌నున్నాడు. అతడి లేటెస్ట్ మూవీ ‘గాండీవ‌ధారి అర్జున’ మూవీ ఆగ‌స్టు 25న విడుద‌ల‌వుతుంద‌ని తాజాగా చిత్ర యూనిట్ ప్ర‌క‌టించింది. ఈ సినిమాను ప్ర‌వీణ్ స‌త్తారు తెర‌కెక్కిస్తున్నాడు. ‘ఏజెంట్’ సినిమాలో అఖిల్ జోడీగా మెరిసిన సాక్షి వైద్య ఈ సినిమాలో హీరోయిన్.