1
0
బిగ్బాస్-5 సీజన్ ఆది నుంచే హాట్ హాట్‌గా సాగుతోంది. ఎవరో తెలియని ముఖాలు కనిపిస్తున్నా హౌస్‌లో అందరూ ఎమోషనల్‌గా మాట్లాడుతూ ఫేమ్ తెచ్చుకుందామని భావిస్తున్నారు. అందుకే బూతులు కూడా మాట్లాడుతున్నారు. దీంతో తొలి ఎపిసోడ్ నుంచే ఏడుపులు మొదలయ్యాయి. అరుపులు, కేకలు.. ఇలా బిగ్బాస్ సాగిపోతోంది. గత సీజన్ తరహాలో ఈసారి ప్రేమ, ఆప్యాయతలు బిగ్బాస్ హౌస్‌లో కనిపించడం లేదు. నామినేషన్‌ల సందర్భంగా గ్రూపులుగా విడిపోయి చిన్న చిన్న విషయాలకే రచ్చ చేస్తున్నారు. మొదటి వారం సరయు ఎలిమినేట్ అయింది. రెండోవారం కూడా నామినేషన్లు వామ్మో అనిపించేలా జరిగాయి.
రెండో వారంలో ఏడుగురు నామినేషన్‌లలో ఉన్నారు. వారిలో ఉమాదేవి, నటరాజ్ మాస్టర్, కాజల్, లోబో, ప్రియాంక, అనీ మాస్టర్, ప్రియ ఉన్నారు. వీరిలో ఈవారం ఉమాదేవి ఎలిమినేట్ కావడం ఖాయంగా కనపడుతోందని సోషల్ మీడియాలో వార్తలు వస్తున్నాయి. అయితే ఈ వారం నామినేట్ అయినవారిలో ఎవరు బయటకు వస్తారో కానీ… ఈ లోగా వైల్డ్ కార్డ్ ఎంట్రీ ఉంటుందని టాక్. ఈ మేరకు ఇద్దరు వైల్డ్ కార్డ్ ఎంట్రీ ఉంటుందనే చర్చ జరుగుతోంది. వైల్డ్ కార్డ్ ఎంట్రీతో బుల్లితెరపై టాప్ యాంకర్స్లలో ఒకరైన వర్షిణీ, సీరియల్స్ తో పాపులారిటీ సంపాదించుకున్న నవ్యస్వామి బిగ్ బాస్ హౌస్‌లో సందడి చేయబోతున్నారట. అయితే ఒకే వారంలో ఇద్ద‌రి ఎంట్రీ ఉంటుందా? లేక ఒక్కొక్క వారం ఒక్కొక్క‌రు ఎంట్రీ ఇస్తారా అన్నది వేచి చూడాలి.
