0
0
దేశంలో పెట్రోల్, డీజిల్ ధరలకు మళ్లీ రెక్కలొచ్చాయి. వరుసగా రెండో రోజు కూడా చమురు ధరలు పెరిగి కొత్త గరిష్ఠాలను తాకాయి. బుధవారం పెట్రోల్‌పై 30 పైసలు, డీజిల్‌పై 25 పైసలు పెరిగింది. దీంతో దేశ రాజధానిలో లీటర్‌ పెట్రోల్ ధర రూ. 87.60కి చేరింది. డీజిల్ ధర రూ. 77.73గా ఉంది. హైదరాబాద్‌లోనూ పెట్రోల్, డీజిల్ ధరలు ఆకాశాన్ని తాకుతున్నాయి. నగరంలో బుధవారం లీటర్‌ పెట్రోల్ ధర 31 పైసలు పెరిగి రూ. 91.09కి చేరింది. డీజిల్ ధర రూ. 84.79 గా ఉంది. ఇక ముంబైలో పెట్రోల్ ధర అత్యధికంగా రూ. 94.12కు చేరింది. కోల్‌కతాలో రూ. 88.92, చెన్నైలో రూ. 89.96గా ఉంది. డీజిల్ ధర ముంబైలో రూ. 84.63, కోల్‌కతాలో రూ. 81.31, చెన్నైలో రూ. 82.90గా ఉంది. గతంలో పెట్రోల్ ధర రూపాయి పెరిగినా గగ్గోలు పెట్టిన ప్రతిపక్షాలు ఇప్పుడు మాత్రం మౌనంగా ఉండటంపై ప్రజలు ఆగ్రహం వ్యక్తం చేస్తున్నారు.
